2016 jylǵy 30 sáýir, Astana, Úkimet Úıi
Oblystyq bıýdjetterdiń, Astana jáne Almaty qalalary bıýdjetteriniń 2016 jylǵa arnalǵan respýblıkalyq bıýdjetten orta bilim berý uıymdaryn jan basyna shaqqandaǵy qarjylandyrýdy synaqtan ótkizýge beriletin aǵymdaǵy nysanaly transfertterdi paıdalaný qaǵıdalaryn bekitý týraly
«2016 - 2018 jyldarǵa arnalǵan respýblıkalyq bıýdjet týraly» 2015 jylǵy 30 qarashadaǵy Qazaqstan Respýblıkasynyń Zańy 15-babynyń 10) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Oblystyq bıýdjetterdiń, Astana jáne Almaty qalalary bıýdjetteriniń 2016 jylǵa arnalǵan respýblıkalyq bıýdjetten orta bilim berý uıymdaryn jan basyna shaqqandaǵy qarjylandyrýdy synaqtan ótkizýge beriletin aǵymdaǵy nysanaly transfertterdi paıdalaný qaǵıdalary bekitilsin.
2. Aqmola, Aqtóbe, Almaty, Shyǵys Qazaqstan jáne Ońtústik Qazaqstan oblystarynyń ákimderi:
1) bólingen aǵymdaǵy nysanaly transfertterdiń ýaqtyly jáne maqsatty paıdalanylýyn;
2) Qazaqstan Respýblıkasy Bilim jáne ǵylym mınıstrligine esepti aıdan keıingi aıdyń 5-kúnine deıin bólingen aǵymdaǵy nysanaly transfertterdiń paıdalanylýy týraly esepter berýdi qamtamasyz etsin.
3. Qazaqstan Respýblıkasy Bilim jáne ǵylym mınıstrligi Aqmola, Aqtóbe, Almaty, Shyǵys Qazaqstan jáne Ońtústik Qazaqstan oblystary bıýdjetteriniń respýblıkalyq bıýdjetten beriletin aǵymdaǵy nysanaly transfertterdi paıdalanýyn monıtorıngteýdi qamtamasyz etsin.
4. Osy qaýly 2016 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri Q.MÁSIMOV
Qazaqstan Respýblıkasy Úkimetiniń
2016 jylǵy 30 sáýirdegi №262 qaýlysymen bekitilgen
Oblystyq bıýdjetterdiń, Astana jáne
Almaty qalalary bıýdjetteriniń
2016 jylǵa arnalǵan respýblıkalyq bıýdjetten orta bilim berý uıymdaryn jan basyna shaqqandaǵy qarjylandyrýdy synaqtan ótkizýge beriletin aǵymdaǵy nysanaly transfertterdi paıdalaný qaǵıdalary
1. Osy Oblystyq bıýdjetterdiń, Astana jáne Almaty qalalary bıýdjetteriniń 2016 jylǵa arnalǵan respýblıkalyq bıýdjetten orta bilim berý uıymdaryn jan basyna shaqqandaǵy qarjylandyrýdy synaqtan ótkizýge beriletin aǵymdaǵy nysanaly transfertterdi paıdalaný qaǵıdalary (budan ári - Qaǵıdalar) 099 «Sapaly mektep bilimine qoljetimdilikti qamtamasyz etý» respýblıkalyq bıýdjettik baǵdarlamasy 110 «Oblystyq bıýdjetterge, Astana jáne Almaty qalalarynyń bıýdjetterine orta bilim berý uıymdaryn jan basyna shaqqandaǵy qarjylandyrýdy synaqtan ótkizýge beriletin aǵymdaǵy nysanaly transfertter» kishi baǵdarlamasy boıynsha oblystardyń bıýdjetterine respýblıkalyq bıýdjetten bólinetin nysanaly aǵymdaǵy transfertterdi (budan ári - nysanaly transfertter) paıdalaný tártibin aıqyndaıdy.
2. Osy Qaǵıdalarda mynadaı uǵymdar paıdalanylady:
1) bilim berý prosesi - bilim berý qyzmetin júzege asyratyn uıym iske asyratyn bilim berý baǵdarlamalaryn iske asyrý sheńberinde pedagogıkalyq turǵyda negizdelgen oqytý, tárbıeleý jáne damytý prosesi;
2) yntalandyrý quraýyshy - jan basyna normatıvtik qarjylandyrylatyn orta bilim berý uıymdarynyń pedagog qyzmetkerlerine kórsetiletin bilim berý qyzmetiniń sapasy men qyzmet nátıjelerine qaraı syılyqaqylar tóleýge jáne yntalandyrý ústemeaqylaryn belgileýge, sondaı-aq orta bilim berý uıymdarynyń bilim berý prosesine baılanysty basqa da qajettilikterdi óteýge kózdelgen respýblıkalyq bıýdjet qarajaty.
3. Oblystyq bıýdjetterge orta bilim berý uıymdaryn jan basyna shaqqandaǵy qarjylandyrýdy synaqtan ótkizýge bólingen aǵymdaǵy nysanaly transfertterdi paıdalaný Qazaqstan Respýblıkasynyń bıýdjet zańnamasynda belgilengen tártippen júzege asyrylady.
4. Nysanaly transfertter:
1) jumys berýshiniń jarnalaryn eskere otyryp, jan basyna qarjylandyrylatyn 10-11-synyptarda bilim berý prosesine qatysatyn orta bilim berý uıymdarynyń qyzmetkerlerine jalaqy tóleýge;
2) 10-11-synyptarda bilim berý prosesine qatysatyn qyzmetkerlerdiń jyl saıynǵy aqy tólenetin eńbek demalysyna bir laýazymdyq jalaqy mólsherindegi saýyqtyrýǵa arnalǵan járdemaqylardy tóleýge jumsalatyn shyǵystar;
3) 10-11-synyptardyń bir oqýshysyna aǵymdaǵy qarjy jylyna belgilengen keminde bir aılyq eseptik kórsetkish esebinen oqý shyǵystaryn (qosymsha oqýlyqtar, oqý-ádistemelik keshender, oqý, kórnekilik materıaldar jáne quraldar) tóleýge;
4) Qaǵıdalardyń osy tarmaǵynyń 1), 2) jáne 3) tarmaqshalarynda kózdelgen qarjylandyrýdyń jalpy kóleminiń on paıyzy mólsherinde yntalandyrý quraýyshynyń esebinen 10-11-synyptarda bilim berý prosesine qatysatyn pedagog qyzmetkerlerge kórsetiletin bilim berý qyzmetiniń sapasy men qyzmet nátıjelerine qaraı yntalandyrý ústemeaqylary men syılyqaqylardy tóleýge jáne orta bilim berý uıymdarynyń 10-11-synyptardaǵy bilim berý prosesine baılanysty muqtajdyqtaryn óteýge paıdalanylady. Orta bilim berý uıymynyń bilim berý prosesimen baılanysty muqtajdyqtaryna shyǵystardyń mólsheri yntalandyrý quraýyshynyń jalpy kóleminiń elý paıyzynan kem bolmaýǵa tıis. Orta bilim berý uıymynyń bilim berý prosesimen baılanysty muqtajdyqtaryna:
pedagog qyzmetkerlerdiń el ishinde biliktiligin arttyrýǵa jáne sonymen baılanysty issapar shyǵystaryna;
ǵylymı jobalar konkýrstaryn (ǵylymı jarystar), sporttyq jarystar, zııatkerlik jáne ózge de konkýrstar, kórmeler men basqa da is-sharalar ótkizýge jáne olarǵa oqýshylardyń qatysýyna;
oqý sabaqtaryn (dáristerin) ótkizýge, onyń ishinde Qazaqstan Respýblıkasynyń zańnamasynda belgilengen tártippen shaqyrylatyn bilim berý uıymynyń shtatynda joq qyzmetkerlerdiń qashyqtyqtan oqytýdy ótkizýine;
Qazaqstan Respýblıkasynyń zańnamasynda belgilengen tártippen oqý jabdyqtaryn satyp alýǵa;
bilim jáne ǵylym salasyndaǵy merzimdi basylymdarǵa jazylýǵa;
bilim berý prosesin jergilikti bıýdjetterde kózdelgen kólemderden asyra qamtamasyz etý úshin Internet qyzmetterin tóleýge arnalǵan shyǵystarǵa orta bilim berý uıymynyń qajettilikteri jatady;
5) osy Qaǵıdalarda kózdelgen shyǵystardy júrgizýge baılanysty bank (qarjylyq) qyzmetterine aqy tóleýge paıdalanylady.
Jalaqy men jumys berýshiniń jarnalary boıynsha jyl boıynsha qalyptasqan únem bekitilgen kólemniń ústinen oqý shyǵystaryn ulǵaıtýǵa ǵana paıdalanylýy múmkin.
5 Qazaqstan Respýblıkasy Bilim jáne ǵylym mınıstrligi bıýdjet zańnamasynda belgilengen tártippen tólemder boıynsha jáne qarjylandyrý josparlary negizinde respýblıkalyq bıýdjetten Aqmola, Aqtóbe, Almaty, Shyǵys Qazaqstan jáne Ońtústik Qazaqstan oblystarynyń bıýdjetterine aǵymdaǵy nysanaly transfertterdi aýdarýdy júrgizedi.
6. Aqmola, Aqtóbe, Almaty, Shyǵys Qazaqstan jáne Ońtústik Qazaqstan oblystarynyń jergilikti atqarýshy organdary:
1) jeke qarjylandyrý josparlaryna jáne osy Qaǵıdalarǵa sáıkes respýblıkalyq bıýdjetten beriletin aǵymdaǵy nysanaly transfertterdiń somalaryn nysanaly maqsaty boıynsha paıdalanady;
2) Qazaqstan Respýblıkasy Bilim jáne ǵylym mınıstrligine 2016 jylǵa arnalǵan respýblıkalyq bıýdjetten oblystyq bıýdjetterge orta bilim berý uıymdarynyń jan basyna qarjylandyrýdy synaqtan ótkizýge bólingen aǵymdaǵy nysanaly transfertterdiń paıdalanylýy týraly aı saıyn esep beredi.